ទេសចរណ៍និងបរិស្ថានសំបូរព្រៃគុក
ចាប់តាំងពីតំបន់ប្រាសាទសំបូរព្រៃគុកបានបញ្ចូលជាសម្បត្តិបេតិកភណ្ឌពិភពលោក ភ្ញៀវទេសចរជាតិនិងអន្តរជាតិមានការកើនឡើងជាបន្តបន្ទាប់គួរឲ្យកត់សម្គាល់។ ដើម្បីជួយសម្រួលដល់ទេសចរក្នុងការធ្វើដំណើរទស្សនាក្នុងរមណីយដ្ឋានឱ្យងាយស្រួល និងដើម្បីចូលរួមក្នុងការអភិរក្សរមណីយដ្ឋានគង់វង្សយូរអង្វែង អាជា្ញធរជាតិសំបូរព្រៃគុកបានកែលម្អផ្លូវទស្សនាចរ ដាក់ស្លាកសញ្ញាបង្ហាញទិសដៅទស្សនា ផ្ទាំងព័ត៌មានពីប្រាសាទ និងធ្វើជណ្តើរឈើជាដើម។ល។
លើសពីនេះអាជ្ញាធរជាតិសំបូរព្រៃគុកមានគោលបំណងពង្រឹងទំនាក់ទំនងរវាងមនុស្ស ធម្មជាតិនិងប្រាសាទបុរាណ ព្រមទាំងចូលរួមក្នុងការបង្កើនជីវភាពប្រជាជនដែលរស់នៅជុំវិញនិងក្នុងបរិវេណរមណីយដ្ឋានតាមរយៈនៃការរកចំណូលពីការបង្កើតសេវាកម្មទេសចរណ៍ដោយការលក់ដូរចំណីអាហារ,លក់វត្ថុអនុស្សាវរីយ៍ផលិតក្នុងតំបន់, ការធ្វើជាមគ្គុទ្ទេសក៍,ការជួលផ្ទះស្នាក់,ការដឹកជញ្ជូនឬការជួលកង់ឱ្យភ្ញៀវជិះទស្សនាប្រាសាទ, ទេសភាពភូមិឋាន ធម្មជាតិផ្លាស់ប្តូរតាមរដូវកាល និងអ្វីៗផ្សេងទៀតដែលជាទីចាប់អារម្មណ៍នៅក្នុងរមណីយដ្ឋានទាំងមូល។
.jpg)
បរិស្ថានសំបូរព្រៃគុកនិងកាតទប់ស្កាត់
ការរួមបញ្ចូលគ្នារវាងសំណង់បុរាណដូចជាប្រាសាទសំណង់រក្សាទឹកបណ្តាញគមនាគមន៍។ល។ ប្រពៃណីរបស់អ្នកស្រុកនិងធម្មជាតិបង្កើតភាពលេចធ្លោនៃ ទេសភាពវប្បធម៌របស់រមណីយដ្ឋានប្រាសាទសំបូរព្រៃគុក។ កិច្ចការអភិរក្សនិងស្តារទេសភាពធម្មជាតិគឺត្រូវគិតគូរក្នុងកម្រិតខ្ពស់ធ្វើយ៉ាងណា ឲ្យមានសមតុល្យនឹងគ្នា។ អាជ្ញាធរជាតិសំបូរព្រៃគុកបានចាត់វិធានការយ៉ាងតឹងរឹង និងជាប្រចាំសម្រាប់ តាមដាន និងការទប់ស្កាត់ ការកាប់ទន្រ្ទានដីព្រៃ ដុតព្រៃ និងចាប់សត្វគ្រប់ប្រភេទក្នុងតំបន់រមណីយដ្ឋាន។ មិនតែប៉ុណ្ណោះ ក្រុមការងារជំនាញ បានដាក់ផែនការចុះ បញ្ជីសារពើភណ្ឌ ដើមឈើក្នុងតំបន់ព្រៃស្រោង ដើម្បីសិក្សាពីពូជ អំបូរ ការបម្រែបម្រួល និងការវិវត្តន៍ព្រៃ តាំងពីបុរាណដល់បច្ចុប្បន្ន។
ការចុះបញ្ជីសារពើភណ្ឌដើមឈើនិងការថែទាំដើមឈើ / Inventory of trees in dense forest area and tree care
ការទប់ស្កាត់ការចាប់សត្វគ្រប់ប្រភេទ/ Preventing the capture of all kinds of animals ការទប់ស្កាត់ការចាប់សត្វគ្រប់ប្រភេទ/ Preventing the capture of all kinds of animals