ព័ត៌មាន :

អាជ្ញាធរជាតិសំបូរព្រៃគុក សូមជម្រាបដល់បងប្អូន ពូមីងដែលរស់នៅក្នុងនិងជុំវិញតំបន់ប្រាសាទសំបូរព្រៃគុកមេត្តាជ្រាបថា រាល់ការដាក់ពាក្យស្នើសុំជួសជុល ឬសាងសងផ្ទះ ធ្វើស្រែចំការ ។ល។ មិនតម្រូវអោយមានការបង់ថ្លៃសេវាផ្សេងៗឡើយ។ សូមបងប្អូន មកដាក់ពាក្យដោយផ្ទាល់ ដល់មន្រ្តីជំនាញនៅការិយាល័យស្ថិតនៅជាប់អូរគ្រូកែ និងសួរបញ្ជាក់រាល់បញ្ហាដែលមានមន្ទិល។ ពាក្យស្នើសុំសូមទាញយក

ការបណ្ដុះបណ្ដាល

ការអភិរក្ស

ទំនៀមទំលាប់ ប្រពៃណី

ទេសចរណ៍ និងបរិស្ថាន

ក្រមប្រតិបត្ត

ហាម

សមិទ្ធផលពីការអភិរក្ស

អាជ្ញាធរជាតិសំបូរព្រៃគុក National Authority For Sambor Prei Kuk

ព័ត៌មាន និងព្រឹត្តិការណ៍

គណៈប្រតិភូព្រឹទ្ធសភាបារាំង ដឹកនាំដោយឯកឧត្តម VINCENT EBLÉ បានអញ្ជើញមកទស្សនកិច្ចរមណីយដ្ឋានប្រាសាទសំបូរព្រៃគុក

ថ្ងៃសៅរ៍ ៧កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី៧ ខែឧសភា ឆ្នាំ២០២២ ឯកឧត្តម VINCENT EBLÉ  សមាជិកព្រឹទ្ធសភាបារាំង និងជាប្រធានក្រុមមិត្តភាពព្រឹទ្ធសភាបារាំង-កម្ពុជា អមដំណើរដោយលោកជំទាវសមាជិកព្រឹទ្ធសភាបារាំង មន្រ្តីស្ថានទូតបារាំង ព្រមទាំងមានការចូលរួមពីភាគីកម្ពុជា និងមន្រ្តីពាក់ព័ន្ធជាច្រើនរូប បានអញ្ជើញមកទស្សនកិច្ចរមណីយដ្ឋានប្រាសាទសំបូរព្រៃគុក ដោយទទួលបានការស្វាគមន៍ និងបង្ហាញជូនពីថ្នាក់ដឹកនាំ អាជ្ញាធរជាតិសំបូរព្រៃគុក។   ដំណើរទស្សនកិច្ចនេះគឺក្នុងគោលបំណងលើកស្ទួយវិស័យវប្បធម៌ ក៏ដូចជាដើម្បីសិក្សាស្វែងយល់អំពីទីតាំងបុរាណដ្ឋាន កិច្ចអភិរក្ស និងការងារជួសជុលប្រាសាទបុរាណមួយចំនួន នៅក្នុងរមណីយដ្ឋានប្រាសាទសំបូរព្រៃគុក។    

និស្សិត វិទ្យាស្ថាន វ៉ាន់ដា មកទស្សនកិច្ចសិក្សា នៅរមណីយដ្ឋានប្រាសាទសំបូរព្រៃគុក

ថ្ងៃអាទិត្យ ១កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១ ខែឧសភា ឆ្នាំ២០២២ និស្សិត វិទ្យាស្ថាន វ៉ាន់ដា(Vanda Institude) ព្រមទាំងលោកគ្រូ អ្នកគ្រូដឹកនាំ ប្រមាណ៥០៥នាក់ បានមកទស្សនកិច្ចសិក្សា នៅរមណីយដ្ឋានប្រាសាទសំបូរព្រៃគុក ដោយទទួលបានការពន្យល់បង្ហាញ ពីថ្នាក់ដឹកនាំ ក៏ដូចជាមន្រ្តីជំនាញពាក់ព័ន្ធមួយចំនួនរបស់អាជ្ញាធរជាតិសំបូរព្រៃគុក។ គោលបំណងនៃដំណើរទស្សនកិច្ចសិក្សានេះ គឺដើម្បីឱ្យនិស្សិត ស្វែងយល់ឱ្យកាន់តែច្បាស់នូវទីតាំងបុរាណដ្ឋានដែលជាសម្បត្តិបេតិកភណ្ឌ ព្រមទាំងបញ្ជ្រាបនូវគំនិតក្នុងការចូលរួមថែរក្សាការពារសម្បត្តិបេតិកភណ្ឌ ស្របតាមពាក្យស្លោក «កិច្ចការពារបេតិកភណ្ឌជាកាតព្វកិច្ចរបស់ប្រជាជនខ្មែរគ្រប់រូប»។  

ប្រតិភូគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា ទស្សនកិច្ចរមណីយដ្ឋានប្រាសាទសំបូរព្រៃគុក

ព្រឹកថ្ងៃពុធ ១១រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី២៧ ខែមេសា ឆ្នាំ២០២២ ប្រតិភូគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា(គណៈកម្មការទី១០) ដឹកនាំដោយ ឯកឧត្តម ម៉ម ប៊ុននាង ប្រធានគណៈកម្មការ អមដំណើរដោយសមាជិកគណៈកម្មការ៤រូប និងមន្រ្តីអគ្គលេខាធិការដ្ឋានព្រឹទ្ធសភាមួយចំនួន បានអញ្ជើញមកទស្សនកិច្ចរមណីយដ្ឋានប្រាសាទសំបូរព្រៃគុក ដោយទទួលបានការស្វាគមន៍ពីថ្នាក់ដឹកនាំ និងមន្រ្តីពាក់ព័ន្ធមួយចំនួន។ គោលបំណងនៃដំណើរទស្សនកិច្ចនេះគឺដើម្បីស្វែងយល់អំពីការគ្រប់គ្រង កិច្ចអភិរក្ស សំណង់ប្រាសាទបុរាណ វឌ្ឍនភាពនៃការជួសជុលប្រាសាទមួយចំនួន នៅក្នុងតំបន់ការពាររមណីយដ្ឋានប្រាសាទសំបូរព្រៃគុក។    

អាជ្ញាធរជាតិសំបូរព្រៃគុក និងស្ថានទូតឥណ្ឌា ចុះអនុស្សរណៈយោគយល់គ្នា ជួសជុលប្រាសាទបុរាណ នៅរមណីយដ្ឋានសំបូរព្រៃគុក

អាជ្ញាធរជាតិសំបូរព្រៃគុក និងស្ថានទូតឥណ្ឌា ចុះអនុស្សរណៈយោគយល់គ្នា ជួសជុលប្រាសាទបុរាណ នៅរមណីយដ្ឋានសំបូរព្រៃគុក ថ្ងៃសុក្រ ៨រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែមីនា ឆ្នាំ២០២២ ក្នុងសម័យប្រជុំពេញអង្គលើកទី២៨ អាយស៊ីស៊ី-អង្គរ/សំបូរព្រៃគុក។ លោកជំទាវ Devyani KHOBR AGADE អគ្គរដ្ឋទូតឥណ្ឌា ប្រចាំប្រទេសកម្ពុជា និងឯកឧត្តម ផាន់ ណាឌី អគ្គនាយកអាជ្ញាធរជាតិសំបូរព្រៃគុក បានចុះអនុស្សរណៈយោគយល់គ្នា ជួសជុលប្រាសាទ N17 នៃរមណីយដ្ឋានសំបូរព្រៃគុក ក្រោមអធិបតីដ៏ខ្ពង់ខ្ពស់ លោកជំទាវបណ្ឌិតសភាចារ្យរដ្ឋមន្រ្តីក្រសួងវប្បធម៌ និងវិចិត្រសិល្បៈ សហប្រធានអាយស៊ីស៊ី(ICC) បារាំង ជប៉ុន និងថ្នាក់ដឹកនាំជាតិ និងអន្តរជាតិមួយចំនួន។  

មន្រ្តីទទួលបន្ទុកកិច្ចការវប្បធម៌ នៃស្ថានទូតអាមេរិកប្រចាំនៅកម្ពុជា បានអញ្ជើញមកទស្សនកិច្ចរមណីយដ្ឋានប្រាសាទសំបូរព្រៃគុក

នៅថ្ងៃចន្ទ ៤រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២១ ខែមីនា ឆ្នាំ២០២២ លោកស្រី អាំប៉ារ៉ូ ហ្កាស្យៀ (Ms. AMPARO GARCIA) មន្រ្តីទទួលបន្ទុកកិច្ចការវប្បធម៌ (Cultural Affairs Officer) អមដំណើរដោយមន្រ្តីឯកទេសរៀបចំកម្មវិធី (Program Management Specialist) នៃស្ថានទូតអាមេរិកប្រចាំនៅកម្ពុជា បានអញ្ជើញមកទស្សនកិច្ចរមណីយដ្ឋានប្រាសាទសំបូរព្រៃគុក ដោយទទួលបានការស្វាគមន៍ពីថ្នាក់ដឹកនាំ និងមន្រ្តីពាក់ព័ន្ធមួយចំនួនរបស់ អ.ជ.ស.ព.។ គោលបំណងនៃដំណើរទស្សនកិច្ចនេះគឺដើម្បីស្វែងយល់អំពីការគ្រប់គ្រង កិច្ចអភិរក្ស ការជួសជុលប្រាសាទនានា ដែលបាននឹងកំពុងតែអនុវត្ត ដោយអាជ្ញាធរជាតិសំបូរព្រៃគុក ក៍ដូចជាវិស័យទេសចរណ៍ នៅក្នុងតំបន់រមណីយដ្ឋានប្រាសាទសំបូរព្រៃគុក។  

ក្រុមអ្នកជំនាញការអាដហុក(Adhoc) នៃអាយស៊ីស៊ី-អង្គរ(ICC-Angkor)/សំបូរព្រៃគុក ចុះត្រួតពិនិត្យតាមការដ្ឋានជួសជុលសំខាន់ៗ នៅរមណីយដ្ឋានប្រាសាទសំបូរព្រៃគុក ៖

នៅថ្ងៃចន្ទ ៤រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២១ ខែមីនា ឆ្នាំ២០២២ ក្រុមអ្នកជំនាញការអាដហុក(Adhoc) នៃអាយស៊ីស៊ី-អង្គរ(ICC-Angkor)/សំបូរព្រៃគុក បានអញ្ជើញចុះត្រួតពិនិត្យការងារជួសជុល និងការអភិរក្សនៅការដ្ឋានជួសជុលមួយចំនួនក្នុងរមណីយដ្ឋានប្រាសាទសំបូរព្រៃគុក ដោយមានការចូលរួមពីអ្នកជំនាញការនៃអាយស៊ីស៊ី-អង្គរ/សំបូរព្រៃគុកជាច្រើនរូប អមដំណើរដោយថ្នាក់ដឹកនាំ និងមន្រ្តីជំនាញពាក់ព័ន្ធមួយចំនួនទៀតរបស់ អ.ជ.ស.ព.។ ការដ្ឋានដែលអាជ្ញាធរជាតិសំបូរព្រៃគុកកំពុងអនុវត្តការជួសជុលមួយចំនួនដែលអ្នកជំនាញបានចុះត្រួតពិនិត្យមានដូចជា ការដ្ឋានជួសជុលប្រាង្គ(C1) ក្រុមប្រាសាទតោ, ការដ្ឋានជួសជុលប្រាសាទស្រង់ព្រះ(N22) និងការដ្ឋានជួសជុលប្រាង្គ(N1) ក្រុមប្រាសាទសំបូរ។ ការដ្ឋានជួសជុល និងអភិរក្ស៤ផ្សេងទៀត ដែលទទួលបានអនុសាសន៍ពីអ្នកជំនាញ ហើយក្នុងនោះដែរ អាជ្ញាធរជាតិសំបូរព្រៃគុក នឹងអនុវត្តនៅពេលខាងមុខឆាប់ៗនេះ មានដូចជា ការដ្ឋានជួសជុល និងអភិរក្សប្រាង្គ(S2) និងការដ្ឋានអភិរក្សផ្នែកកណ្តាលប្រាង្គ(S1) ក្រុមប្រាសាទយាយព័ន្ធ, ការដ្ឋានសង្គ្រោះបន្ទាន់ប្រាង្គ(Z1) និងប្រាង្គ(Z3) ក្រុមប្រាសាទត្រពាំងរពាក់។ ការចុះត្រួតពិនិត្យ និងផ្លាស់ប្តូរយោបល់នេះដែរ គឺដើម្បីឱ្យអ្នកជំនាញផ្តល់នូវអនុសាសន៍ ចំណុចដែលត្រឹមត្រូវ ឬចំណុចដែលត្រូវកែលម្អ ក្នុងគោលបំណងឱ្យការងារទាំងនោះដំណើរការកាន់តែប្រសើឡើង។    

ប្រសាសន៍ស្វាគមន៍ ឯកឧត្តម ផាន់ណាឌី អគ្គនាយក

ផែនទីតំបន់ការពារ តំបន់សំបូរព្រៃគុក

អ្នកទស្សនា